فوازير غلسة اوى

من طرف **the legend** السبت فبراير 28, 2009 5:20 pm

ايه هو عكس كونكريت؟

لا تكن كريت

- ايه عكس تلميذات؟

don`t tell me that

- ليه الثعلب تخين؟

علشان الثعلب fat fat

- حاجة ماشية على الارض وبتعمل زززززززززز- ايه هى؟

صرصار راكب موتوسيكل

- طب ناس دخلوا شقة فعرفوا ان فيها صراصير - عرفوا ازاى؟

لقيوا الموتوسيكلات راكنة جنب البلاعة

- تعرف تقولى فرقين بين الليمون والزيتون؟

1- فيه ليمونادة ومافيش زيتونادة
2- تقدر تقول الناس لامونى ماتقدرش تقول الناس زاتونى

- تعرف تقولى 5 فروق بين البطة والوزة؟

1- تقدر تحلق شعرك زلبظه لكن ماتقدرش تحلق زلوزة
2- فيه رحالة اسمة
ابن بطوطة مافيش رحالة اسمة ابن وزوزة
3- تقدر تبلبط فى البحر لكن ماتقدرش تبلوز فيه
4- كلنا بنتغطى فى الشتا ببطانية لكن مابنتغطاش بوزانية
5- الوزة كانت بطة زمان لكن الشيطان وزها

- تعرف تقوللى 5 فروق بين الفيل والنملة؟

1- رجل الفيل ممكن تنمل لكن رجل النملة مش ممكن تفيل
2- البيت ممكن يبقى فيه نملية لكن مش ممكن يبقة فيه فيلية
3- تقدر تاكل سمك فيليه لكن مش ممكن تاكل سمك نمليه
4- كل واحد له بروفيل لكن مالوش برونملة
5- you can feel but you can`t namla

- ايه الفرق بين الفيل والبرغوت؟

الفيل ممكن يتملى براغيت لكن البرغوت مش ممكن يتملى فيلة

- ايه عكس زمان؟

the woman

- ايه عكس نجوم؟

نجعد

- ليه القطر بيقف فى المحطة?

عشان مابيعرفش يقعد

- طب ليه بيمشى بعد كده؟

علشان زهق من الوقفة
عايزين ندخل الفيل فى الكبايه نعمل ايه ؟
نحط ورقه على الكوبايه ونوقف عليها الفيل ونسحب الورقه بسرعه فيوقع الفيل جوا الكبايه
طيب طياره هتقع وعايزين نرمى اتقل حاجه فيها نرمى ايه ؟
الكبايه عشان فيها الفيل
طيب تلات بطات ماشيين فى الصحره فجاءه بطتين منهم قعدوا يعيطوا ليه ؟
عشان الكبايه اللى فيه الفيل وقعت على البطه صاحبتهم فموتتها
طيب الاسد روح البيت ملقاش النمله مراته راحت فين ؟
راحت عزا صاحبتها البطه

وعشان نكمل الرخامه

عندنا حاجه سودا على الحيطه هيا ايه ؟
دبانه
طيب حاجتين سود على الحيطه يبقوا ايه ؟
دبانه و بقعه سودا
طيب تلات حاجات سودا على الحيطه تبقى ايه ؟
حد يجاوب بقى

طيب قطه ماشيه على الرصيف مره واحده نزلت ومشيت على الرصيف التانى ليه ؟
عشان شافت كلب جاى على الرصيف
طيب قطه تانيه ماشيه على نفس الرصيف فنزلت وراحت على الرصيف التانى ليه ؟
عشان الرصيف خلص
طيب قطه تالته ماشيه على نفس الرصيف فجاءه نزلت وراحت على الرصيف التانى ليه ؟
مزاجها ياخى

النكته ديه بقى جامده عشان تلاقوا حاجه تضحكوا عليها

واحد صعيدى كسب 60 مليون دولار راح اشترى رونالدو

وعشان نرجع للرخامه بقى
واحد اخرس ايديه مقطوعه عايز يقول لواحد اعمى ان ابوه مات
حد يجاوب بقى

س: ايه الشبه بين الجرنال والشمس ؟؟
ج: الاتنين بيطلعوا الصبح

س: ايه الشبه بين التفاح والكمثرى ؟؟
ج: الاتنين مش جوافة

س: ايه الشبه بين الصعيدي الذكي وسوبر مان ؟؟
ج: الاتنين خيال علمي

***********

س: ايه الفرق بين الصحراء.. وايام الاسبوع.. وموس لورد ؟؟
ج: الصحراء مفيهاش حد
ايام الاسبوع فيها حد واحد
موس لورد فيه حدين

***********

س: واحد وقع من الدور التاسع لقى ايه ؟؟
ج: لقى مصرعه

س: واحد وقع من الدور العاشر لقى ايه ؟؟
ج: لقى حتفه

***********

س: ليه الأرنب مبيعديش من قدام القهوة ؟؟
ج: بيخاف من السحلب المكار

س: دكتور أسنان ارتكب جريمة يسجنوه فين ؟؟
ج: في سجنال تو

***********

س: ليه نابليون كان بيقعد قدام التلاجة ؟؟
ج: عشان يستنى حملة فريزر

***********

س: إيه وجه الشبه بين الحلاق وجورباتشوف ؟
ج: الإتنين بيتعاملوا مع الروس

س: إيه وجه الشبه بين القمر وصينية البطاطس ؟
ج: الإتنين ميتعملوش عصير مانجو

***********

س: إيه العلاقة بين الكمبيوتر والحفرة ؟
ج: الكمبيوتر حاسب آلى
أما الحفرة حاسب لتقع

س: ليه في الأرجنتين مش بيزرعوا تين ؟
ج: لأنها من الدول اللا تينية

***********

س: إيه الفرق بين الزمالك والشامبو البرت بلاس ؟؟
ج: البرت بلاس اتنين فى واحد لكن الزمالك اتنين فى عبد الواحد

اوعي حد يزعل Wink

[/]

الأحد	الإثنين	الثلاثاء	الأربعاء	الخميس	الجمعة	السبت
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30